বৰগীতৰ (Borgeet) প্ৰশ্নসমূহ(All Question) || Class 10 || দশম শ্ৰেণী

প্ৰশ্নাৱলী

১। চমুকৈ প্ৰশ্নৰ উত্তৰ দিয়া –

ক) ......নেৰিবা বান্ধৱ মোক জীৱনে মৰণে।

-কবিয়ে জীৱনে মৰণে নেৰিবৰ বাবে কাক অনুৰোধ কৰিছে?

উত্তৰ – কবিয়ে জীৱনে-মৰণে নেৰিবৰ কাৰণে ভগৱানক অনুৰোধ কৰিছে। কবিয়ে ইতিমধ্যে ভগৱানৰ চৰনত আত্মনিবেদন কৰিছে আৰু তেওঁৰ চৰণতেই মুক্তিৰ প্ৰয়াস কৰিছে। কবিয়ে সকলো ধৰণৰ পাৰ্থিৱ মোহ-আকাঙ্ক্ষা ত্যাগ কৰি ভগৱানৰ চৰণত শৰণ লোৱাৰ লগতে জীৱনে-মৰণে তেওঁৰ পদপ্ৰান্ততেই একমাত্ৰ আশ্ৰয় গ্ৰহণ কৰাটো অতি তাৎপৰ্যপূৰ্ণ ।

বৰগীতৰ প্ৰশ্নাৱলীসমূহ

খ) সনক সনন্দ যোগী যাহাকু ধিয়ায় ।

    -সনক,সনন্দ আদি যোগীসকলে কাক ধ্যান কৰে বুলি কৈছে ?

উত্তৰ – সনক,সনন্দ,সনাতন প্ৰভূতি শ্ৰীকৃষ্ণৰ একান্ত ভক্ত।তেওঁলোক একান্ত নাৰায়ণ-পৰায়ণা আৰু সেয়ে সকলো সময়তে ভগৱানৰ চিন্তাত ব্যস্ত হৈ থকা দেখি ।ভক্তিৰ মাধ্যমেদি ভগৱানক প্ৰাপ্তি সম্ভৱ বাবে এইসকল পৰমভক্ত যোগীয়ে একান্তভাৱে তেওঁক ধ্যান কৰে বুলি কোৱা হৈছে ।

গ) কবিয়ে কিহত আতুৰ হোৱা বুলি কৈছে ?

উত্তৰ – কবিয়ে সাংসাৰিক দুখ তথা বিষয়-বাসনাৰ-তাড়নাত আতুৰ হোৱা বুলি উল্লেখ কৰিছে।বিষয়ৰ বান্ধনেই হৈছে সাংসাৰিক দুখৰ মূল কাৰণ। এই দুখৰ নিবৃত্তিৰ বাবে হৰিভক্তি পৰম মহৌষধ।

ঘ) বৰগীতটি কোনে ৰচনা কৰা ?

উত্তৰ – শ্ৰীশ্ৰীমাধৱদেৱৰ দ্বাৰা বৰগীতটি ৰচনা কৰা

ঙ) বৰগীতটি কি ৰাগত বন্ধা আছে ?

উত্তৰ – বৰগীতটি বসন্ত ৰাগত বন্ধা আছে ।

চ) কবিয়ে “বান্ধৱ” বুলি কাক সম্ভোধন কৰিছে ?

উত্তৰ –কবিয়ে “বান্ধৱ” বুলি হৰিক সম্ভোধন কৰিছে ।

ছ) “মোহ-পাশ” মানে কি ?

উত্তৰ – “মোহ-পাশ” মানে মায়াৰ বন্ধন। মোহেই হৈছে জাগতিক আসক্তি তথা বন্ধনৰ মূল কাৰণ। ইয়াত পাশ শব্দই বন্ধনক সূচাইছে।